Subscribe

RSS Feed (xml)

Powered By

Skin Design:
Free Blogger Skins

Powered by Blogger

Thursday, June 26, 2008

အမြင် ...

အတွေးဆိုတာ တိုက်ဆိုင်မှုရှိလို့ လက်ခံရတာလည်းရှိတယ်။ မတိုက်ဆိုင်လို့ အငြင်းပွားစရာ ဖြစ်လာစရာလည်း ရှိတယ်။ ကျနော်အခုတင်တဲ့ ပို့စ်လေးက ကျနော့ရဲ့ စိတ်ခံစားချက် တခုသာဖြစ်တဲ့အတွက်၊ မတိုက်ဆိုင်ခဲ့ရင်တောင်မှ ကျနော့ရဲ့မကြွယ်ဝသေးတဲ့ အတွေးအခေါ်ကြောင့်သာ ဖြစ်လိမ့်မယ်လို့ ဦးစွာ အထွန့်တက်ရင်း …

@@@@@@@


ရှေးကတည်းက စာဆိုလေးရှိဖူးပါတယ်။ “အရာရာကို အမြင်နဲ့ မဆုံးဖြတ်နဲ့တဲ့”။ သိပ်ကောင်းတဲ့ စကားစုလေးပါ။ လူတိုင်း လူတိုင်းမှာ လူတိုင်း လူတိုင်းအပေါ် အမြင်အမျိုးမျိုးရှိကြတယ်။ ဒါပေမယ့် အမြင်ကို ”ပကာသနတွေ၊ ပညာဂုဏ်တွေ၊ ချစ်ခြင်းတွေ၊ မုန်းခြင်းတွေ”နဲ့ ပေါင်းစပ်ပြီးကြည့်တဲ့အခါမှာ …

ဘ၀မှာ မလိုလားအပ်တာတွေ၊ မဖြစ်သင့်တာတွေ … စတာတွေပေါ်လာတယ်။ အမြင်ရဲ့အောက်မှာ လည်စင်းခံသွားရတဲ့ လူတွေလည်း အများကြီးရှိတယ်။ မကောင်းတာလုပ်စားတဲ့အမျိုးသမီး (သို့) အမျိုးသား တယောက်ရဲ့ သားသမီးပေါ်မြင်တဲ့အမြင်ဆိုရင်၊ အမြင်မကောင်းဘူးပေါ့လေ။ အဲ့ဒီ သား၊ သမီးတွေကိုကြည့်တဲ့အခါ ဘာကြောင့် သူ့မိဘတွေကို အမြင်ထဲမှာ ပေါင်းထည့်ကြတာလဲ ??? ဒီလိုပဲ ချမ်းသာတဲ့မိသားစုက ပေါက်ဖွားလာတဲ့ သား၊ သမီးတွေကိုကြတော့ အကောင်းမြင်တဲ့ အမြင်နဲ့ ကြည့်ကြတယ်။

ကိုယ် ကိုယ်တိုင် ပိုင်ဆိုင်တဲ့အမြင်ကို ဘာကြောင့် ”ဂုဏ်ဒြပ်တွေ၊ ပကာသနတွေ၊ ချစ်ခြင်း … မုန်းခြင်းတွေ ပေါင်းထည့်ကြတာလဲ ??? ရိုးရိုးရှင်းရှင်းလေး ဘာ့ကြောင့် မမြင်နိုင်ကြတာလဲ။ လူတယောက်ကို မြင်တဲ့အခါ သူ့အပေါ်မှာ လွှမ်းခြုံထားတဲ့ (ပိုက်ဆံပေးပြီးဝယ်လို့ရတဲ့) အရာဝတ္ထုတွေကို ခဏလောက်ဖယ်ပြီးမှ သူ့ရဲ့ စိတ်သဏ္ဍာန်ကို ဖတ်ကြည့်၊ မြင်ကြည့်ရင် ပိုမကောင်းဘူးလား။ ဒါဟာ ခက်ခဲတယ်ဆိုပေမယ့် အချိန်က သင်ပေးပါလိမ့်မယ်။

သိပ္ပံပညာအရမ်းတိုးတက်တဲ့ ဒီခေတ်ကြီးမှာ ဘယ်ပညာရှင်ကမှ အဲဒီလိုအမြင်ပိုင်ဆိုင်ဖို့ ဆေးကောင်းတလက်၊ ကိရိယာတစုံ ထွင်လို့ရမှာ မဟုတ်ဘူး။ ဘာကြောင့်လည်းဆိုတော့ အဲ့ဒီအမြင်တွေရဲ့ အခြေခံက “စိတ်” ဖြစ်နေလို့ပဲ။

ဒီအတွေးတွေ ကျနော့မှာ ပေါ်လာခဲ့တာကြာပေမယ့် အဲဒီအမြင်ကို ပိုင်ဆိုင်ဖို့အတွက်၊ မြင်တတ်ဖို့အတွက် ကျနော်ကိုယ်တိုင် မရရှိသေးတာ ၀န်ခံပါရစေ။

လူတိုင်း လူတိုင်း က လူတိုင်း လူတိုင်းအပေါ် အမြင်ရှင်းကြပါစေ ….။
ရုပ်ဆိုး (၂၆-ဇွန်-၀၈) နေ့လည် ၁၂း၄၅မိနစ်

ပုံနှိပ်စာလုံးရယူရန်

1 comment:

  1. အမြင်ကို မြင်တတ်အောင်ကြည့်ဖို.ကြိုးစားရအုံးမှာပါလား....

    ReplyDelete

သူငယ်ချင်းရဲ့ စကားလုံးဟာ နောက် ပို့စ်တစ်ခုအတွက် အာဟာရပါ။