အနာဂါတ် မြန်မာပြည်

သယ်ရင်းတို့ရေ ...။ အင်တာနက်ပေါ်က ရထားတဲ့ "Wonderful Myanmar" ဆိုတာလေးပါ။ အားလုံးကို မျှဝေခံစားစေချင်တဲ့အတွက် တင်ပြလိုက်တယ်။

"Wonderful Myanmar"

ဘာပြောတယ် လော်ရာ!

စိတ်မ၀င်စားဖူးလို့ ပြောတာပါ ဒယ်ဒီ။

မရဘူးသမီး။ ဒီခေတ်ကြီးမှာ မင်း ဗမာစာ၊ ဗမာစကား မတတ်လို့မရဘူး။

ဒါဆိုလည်း နောင်မှသင်မယ်ဒယ်ဒီ။ အခု သမီး အင်္ဂလိပ်စာသင်တန်းနဲ့ ဂျပန်ယဉ်ကျေးမှုအတန်းတွေ တက်ရဦးမယ်။

အဲဒါခက်တာပဲ။ ဘာကအရေးကြီးလည်းဆိုတာ မင်းတို့ကလေးတွေ မဝေခွဲနိုင်ဘူး။ ဗမာစကားတတ်ရင် ကမ္ဘာမှာ မင်းသွားချင်တဲ့ဆီ သွားလို့ရပြီ။ မင်းလုပ်ချင်တဲ့အလုပ် လုပ်လို့ရပြီကွ။

အင်္ဂလိပ်စာထက်ပဲ အသုံးဝင်ဦးမလား ဒယ်ဒီရာ။

အသုံးဝင်ပြီလား သမီးရယ်။ ကဲ ... မင်း ဗမာစာ၊ ဗမာစကားတတ်ပြီးဆိုပါစို့ ... ပထမဆုံး မင်း ဗမာပြည်က မာစတာတန်းတွေ တက်ခွင့်ရမယ်။ မင်းဘူးဦးသြဘာသရဲ့ စာကောင်းစာခန့်တွေ မင်းဖတ်လို့ရမယ်။ ပြီးတော့ ...

ရှိတ်စပီးယားထက်ပဲ ကောင်းဦးမလားဒယ်ဒီရာ ...။ ဒါထက် ဂျာမန်လူမျိုး အဖေက ဒီလို ပြောတာကို အံ့သြမိပါရဲ့။

ဘာကွ။ အေး ၂၀၀၀ ပြည့်နှစ်လောက်ကဆို ငါ ပြောတာ မှားချင်မှားလိမ့်မယ်။ အခုလိုအချိန်မှာတော့ မင်း ဗမာစကားမတတ်ရင် ဘာဖြစ်မယ်ထင်လဲ။

သိပ်တော့မထူးပါဘူး။

ဟာ ... သိပ်ထူးတာပေါ့ သမီးရယ်။ ကဲ ... ဒယ်ဒီပြောမယ် နားထောင်။ ဗမာစာ မတတ်ရင် နောက်နှစ်ဆန်းမှာ ထွက်လာမယ့် Microsoft ရဲ့ Window Popa (၀င်းဒိုး ပုပ္ပါး)ကို မင်းဘယ်လို သုံးမလဲ။ ထားပါတော့ မင်းက Open Source လို့။ Linux ရဲ့ “ဟင်္သာရောင် အပိုင်း (၆)” Hintha Shine Code 6 ကိုရော ဘယ်လို ကိုင်တွယ်မလဲ။ အလုပ်လုပ်လို့မကောင်းတော့တဲ့ Window Vista နဲ့ နေခဲ့ချင်ရင်တော့ မင်းအမေရိကကိုသွား။ ခေတ်ရှေ့ပြေးနေတဲ့ အရှေ့တောင်အာရှကိုတော့ မလာလေနဲ့။ နောက်ပြီး Cellphone နဲ့ မြေပုံစနစ်တွေမှာဆိုရင် မင်းဗမာစာမတတ်တာနဲ့သုံးရခက်ပြီ။

ဘာဆိုင်လဲဒယ်ဒီရာ...။

ဆိုင်တာပေါ့ ... On Touch Screen နဲ့ Voice Command တွေ သုံးထားတဲ့ (ဆသရ)အမျိုးအစားဖုံးတွေကို မင်းဘယ်လိုအသုံးချမလဲ။ မြေပုံက စာတန်းတွေကလည်း ဗမာလိုလေ...။

Sony နဲ့ Nokia ကတော့ အင်္ဂလိပ်လို သုံးပါသေးတယ်။

ဒယ်ဒီသိပြီ။ ငါ့သမီးက ၀ိဇ္ဖာတန်းတက်ပြီး ခေတ်နဲ့မျက်ခြည်ပြတ်နေတာကိုး ...။ မင်းပြောတဲ့ တံဆပ်တွေက နည်းပညာပိုင်းမှာ ဆသရ ကို မမီတော့ဘူးကွ။ စစ်ကိုင်းမှာလုပ်သွားတဲ့ ဆသရ အရောင်းမြှင့်တင်ရေးပွဲကို MRTV-23 က တိုက်ရိုက်လွှင့်လို့ ဒယ်ဒီကြည့်လိုက်ရတယ်။ သိပ်ကိုကောင်းတဲ့ လက်ကိုင်ဖုန်းတွေပဲသမီး။ Nokia ဆိုတာ ကလေးကစားတာပါကွာ။ ကဲ ... ဒီတော့ သမီး ဗမာစာသင်တန်းသွားတက်။ ပြီးရင် နောက်လထဲ ဒယ်ဒီ ဗမာပြည်သွားရင်လိုက်ခဲ့တော့။ ဟုတ်ပြီလား ... ?

ဗမာပြည်ဝင်ခွင့်ဗီဇာက ထင်သလောက်မလွယ်ဘူးလို့ ကြားတယ်နော်။ နောက်ပြီး ဒယ်ဒီက ဘာသွားလုပ်မှာလဲ။

ဒယ်ဒီက တောင်ငူမှာလုပ်မယ့် လေယာဉ်ပြပွဲကိုသွားမယ်။ ဗမာပြည်လုပ် ”မိုးယံဆင်” ငါးထပ်လူစီးလေယာဉ်ကို အဓိက ကြည့်ချင်လို့ပါ။ အဲဒီလေယာဉ်က ပြေးလမ်းမလိုဘူး။ ပြီးတော့ အတောင်ပံတွေကို ခေါက်သိမ်းနိုင်သတဲ့။ သမီးပါရင်တော့ ရန်ကုန် မြကျွန်းသာပန်းခြံထဲက ရေအောက်ပြခန်းမှာလုပ်မယ့် စက်ရုပ်အလေးမပြိုင်ပွဲပါ ၀င်ကြည့်မလားလို့လေ....။

စိတ်ဝင်စားဖို့တော့ ကောင်းသားပဲ။ ဒါနဲ့ အစားအသောက်က အဆင်ပြေပါ့မလားဒယ်ဒီ။

ဟားဟားဟား .... ငါ့သမီးလည်း သမီး အမေနဲ့တူလာပြီ။ ကြံဖန်ပူတတ်လာတယ်။ ဒီမှာ င့ါသမီး ... ဗမာပြည်မှာ မရတာမရှိဘူး။ သမီးဘာစားချင်သလဲ။ အဆူးမပါ အနံ့ကင်းတဲ့ ၂၀၀၄ခုနှစ်စတိုင် ဒူးရင်းသီးလား။ သယ်ယူရလွယ်ကူတဲ့ လေးထောင့်ပုံ ကြက်ဆင်ဥလား။ လေဆာနဲ့ အရိုးတွေကိုချေပြီး တကောင်လုံးဝါးလို့ ရအောင်လုပ်ထားတဲ့ ငါးသလောက်ပေါင်းလား။ ဥရောပသားတွေအတွက် သီးသန့်လုပ်ထားတဲ့ အဖြူရောင် ပုန်းရည်ကြီးလား။ ဒါမှမဟုတ် ...

တော်ပြီဒယ်ဒီရယ်။ ဗိုက်တောင်ဆာလာပြီ။ သွားရေးလာရေးနဲ့ ဆက်သွယ်ရေးက ...

သမီး...။ သမီးမေးခွန်းတွေက နည်းနည်းဘေးရောက်လာပြီ။ ဗမာပြည်သွားမယ်ဆို ဒါတွေကို ထည့်စဉ်းစားဖို့ မလိုဘူးလေ။ လေယာဉ်ပေါ်ကဆင်းတာနဲ့ အောက်ဆီဂျင်စစ်စစ်ထည့်ထားတဲ့ လေရှုဘူးတွေပေးမယ်။ နေရောင်ခြည်ကာတဲ့ ဦးထုပ်နဲ့ မျက်မှန်လည်းပေးမယ်။ ရာသီဥတုကြောင့်တော့ သမီးမပူရတော့ဘူး။ သမီးသွားမယ့် ဟိုတယ်တိုင်းမှာ သမီးစီးလာတဲ့ကားတံခါးကိုလာကပ်မည့် Tube တွေရှိတယ်။ အဲဒီအပေါ် ခြေထောက်ချလိုက်ရုံနဲ့ အလိုအလျှောက်ရွေ့လျားပြီး၊ သမီးကို reception counter ကို ပို့ပေးလိမ့်မယ်။ အဲဒီမှာ ဘာသာစကား အနည်းဆုံး ၅၉၀လောက်ပြောတတ်တဲ့ ဟိုတယ်ဝန်ထမ်းတွေ စောင့်နေလိမ့်မယ်။ နောက်ဘာတဲ့ ... ဆက်သွယ်ရေးဟုတ်လား ...၊ ဗမာနယ်စပ်ကို လေယာဉ်ဖြတ်တာနဲ့ အင်တာနက် ကွန်နက်ရှင် ရပြီ။ GSM တွေသယ်လာရင် ပြောလို့ရပြီ။ အဲ ... ကိုယ်ဖုံးကို ယူလာဖို့မေ့ခဲ့ရင်လည်း မပူပါနဲ့။ လေဆိပ်မှာ လက်ကမ်းစာစောင်ဝေသလို GSM တွေ လိုက်ဝေနေတဲ့ ချာတိတ်တွေရှိတယ်။ ကြိုက်တဲ့ SIM Card ရွေးယူ။ Hand Set ကတော့ ထုတ်ထားတာ ၂-ပတ်ကြာတဲ့ မော်ဒယ်ဆိုရင် အလကားယူလို့ရတယ်လေ။ အများစုကတော့ ”ဆသရ” လို့ခေါ်တဲ့ ဆက်သွယ်ရေးတံဆိပ်တွေပေါ့လေ။

အော် ... ကောင်းလိုက်တာနော်။ ဒါနဲ့ အစိုးရနဲ့ နိုင်ငံရေးကကော......

အစိုးရ ... အစိုးရ .... ဒီအစိုးရကတော့ကွာ ... ဖေဖေပြောမယ် ဒီလိုရှိတယ်...

“ဆိုက်ကားအားလား“ ဟူသော ခရီးသည်အသံကြောင့် ကျွန်တော်လည်း လန့်နိုးသွားကာ ခရီးသည်ကို လိုရာသို့ တင်ဆောင်လိုက်ပို့လေတော့သတည်း ....။

ပုံနှိပ်စာလုံးရယူရန်