အရှုံးသမားဆိုတာ ....

စာကျက်ရတာစိတ်ကမဖြောင့် ...။ ဘယ်သူတွေ လာ TAG ပြီးတော့ ... ဘယ်သူတွေ ဘာတွေ တင်ထားသလဲပဲ ခေါင်းထဲ ရောက်ရောက်နေတယ်ဗျာ ...။ သြော် ဘလော့ဂ် .. ဘလော့ဂ် ... တရစ်ပြီး တရစ် တိုးတိုးလာတဲ့ သံယောဇဉ် ဘလော့ဂ်ကြိုးက ... ဖြတ်ဖို့ကလည်းခက် ... စာကျက်နေရင်းတောင် ဘလော့ဂ်မှာ တင်ဖို့ ကဗျာတစ်ပုဒ်က ခေါင်းထဲရောက်လာတယ်။ ကဲ ... တင်လိုက်တယ်ဗျာ။
TAG အကြွေးတွေ၊ ဖတ်စရာအကြွေးတွေ နောက်မှ အေးအေးဆေးဆေး လာဖတ်မယ်။ စာမေးပွဲက စနေနေ့မှ ပြီးမှာ၊ ဒီကြားထဲ ကွန်ဒိုင်းရွာကိုသွားဖို့ လူတွေကလည်းစောင့်၊ နှစ်ကိုယ်ခွဲရုပ်ရှင်ရိုက်ရမလိုဖြစ်နေပြီဗျ။ ကဲ အားလုံးပဲ ... A Lundi. တနင်္လာနေ့ကြမှ တွေ့ကြစို့ ...။

အရှုံးသမားဆိုတာ

ထားခဲ့ပေါ့ …
ငါ့မျှော်လင့်ချက်တွေ
အကုန်စုပြုံသိမ်းလို့
ညတစ်ညရဲ့ အမှောင်မှာ
ငါ, ခိုဝင်နားရုံပေါ့ …။

သွားလိုက်တော့ …
ငါနဲ့ ဝေးရာကိုပေါ့
လက်မပြနဲ့ …
နှုတ်မဆက်နဲ့ …
အရိပ်တစ်ခုကိုတောင်
တန်ဖိုးထားခွင့်မရမှတော့
နေရောက်အောက်က
ငါ, ဖယ်ခွာရုံပေါ့ …။

မရှိုက်နဲ့တော့ …
ငါ့ရဲ့ရှေ့မှာပေါ့
တခြားသူကို ပြုံးပြဖို့အတွက်
(မျက်ရည်တွေ …)
မင်းရဲ့ အဆိပ်ရည်တွေကို
ငါ့ထံပါး မထားခဲ့ပါနဲ့
ပုခုံးငှားပိုင်ခွင့် မရှိမှတော့
မင်းရှေ့မှောက်ကနေ
ငါ, တိတ်တဆိတ် လွင့်ပါးပါရစေ ….။

ကိုရုပ်ဆိုး

၂၀-စက်တင်ဘာ-၀၈ (၁၁း၄၄)မိနစ်

ပုံနှိပ်စာလုံးရယူရန်