တင်ပြသူ (ရွာသားလေး)က ဒီလို ညွှန်းထားတယ်ဗျ ...။
“ပြီးခဲ့တဲ့အပတ်က စိတ်ဓာတ်အကြီးအကျယ်ကျနေတဲ့ ကျနော် ဒီစာကိုဖတ်ပြီးခွန်အားတွေရရှိခဲ့ပါတယ်။ ကျနော့မိတ်ဆွေတွေ အားလုံးပဲ ကျနော့လို ခွန်အား ရရှိပါစေဗျာ။”
မူရင်း Post လေးက ဒီနေရာ ကို သွားလည် ဖတ်ရှုလို့ရတယ်ဗျ။ ကျနော့ဆီမှာ ရှိတဲ့ မူရင်း Power Point Presentation File လေးကိုလည်း ဒီနေရာ မှာ download ယူလို့ရတယ်ဗျ။
ကျနော့မှာ A Dictionary of BUDDHIST TERMS “ဗုဒ္ဓဒေသနာတော် ဝေါဟာရ အဘိဓာန်” ဆိုတဲ့စာအုပ်လေး ရှိတယ်ဗျ။ မြန်မာ-အင်္ဂလိပ်-ပါဌိ ဗျ။ အဲဒါကို ကျနော့ blog တခုဖွင့်ပြီးတင်ချင်တယ်။ ဒါပေမယ့် ကျနော်က Blog တွေ လည်ပတ်တာ အားနည်းတော့ တခြားတယောက် တင်ထားတာ ရှိ မရှိ သူငယ်ချင်းများသိရင် ပြောပေးပါ။ မရှိရင် တင်ချင်တယ်။ ရေရှည်ကိစ္စဖြစ်တဲ့အတွက် အချိန်ကြာကြာယူပြီး လုပ်ရမှာဆိုတော့ ရှိပြီးသားဆိုရင် မတင်ချင်ဘူး။
ကူညီကြပါဗျာ...။
..... ရုပ်ဆိုး
ဘ၀ကို ထင်ဟပ်စေတဲ့ ကဗျာလေး နောက်တပုဒ်ပါ။ “သောတအာရုံ”ရဲ့ လက်ရာလေးပါပဲ။
အားပေးကြပါဦး ...။
တန်ဖိုးဖြတ်မရတဲ့ ရေတစ်စက်ထက်
တန်ဖိုးသတ်မှတ်ထားတဲ့ ဆီတစ်စက်ကို
ဘာကြောင့် ပိုတန်ဖိုးထားကြတာလဲ ?
ဒါ လူ့သဘာဝလေ။
အနားမှာရှိရင် မေ့နေတတ်ကြတာ ...
တန်ဖိုးကြီး အ၀တ်အစားတွေနဲ့
ကော့နေအောင် ပြင်ဆင်ကြ
ဖိနပ်အစုတ်တစ်ရံရဲ့ တန်ဖိုးကို
ဘာကြောင့် မေ့နေကြတာလဲ ?
ဒါ လူ့သဘာဝပဲနော်။
နိမ့်ကျရင် အထင်သေးတတ်တာ ...
အဖိုးတန်ကားထဲက အထီးကျန်မှုကို
ဘတ်စ်ကားထဲက သက်ဝင်ယိမ်းနွဲ့မှုထက်
ပိုတွယ်တာကြတာ ဘာကြောင့်လဲ ?
ဒါလည်း လူ့သဘာဝပဲလေ။
အပေါ်ယံလွှာ ချမ်းသာမှုအောက်က
ပဋိဒေ၀မီးတွေကို မမြင်တတ်ကြတာ ...
ကိုယ့်ခြေထောက်ကို
မယုံကြည်ရဲတဲ့ ဘ၀မှာ
သဟဇာတဆိုတဲ့ ဝေါဟာရကို
ငါ လျစ်လျူရှုခဲ့တယ်
သေချာပါတယ်။
ဒါပေမယ့် ...
ငါလည်း လူသားတစ်ဦးပဲလေ ...။
သောတအာရုံ
ဖေဖော်ဝါရီ ၂၇၊ ၂၀၀၆ ထုတ်
“ကကြိုးမဲ့ မယ်လိုဒီ” ကဗျာစာအုပ်ငယ်မှ ကူးယူဖော်ပြသည်။
“သောတအာရုံ”ဆိုတဲ့ ကလောင်အမည်လေးနဲ့ ကဗျာလေးတွေ ရေးနေတဲ့ ညီမငယ်တစ်ယောက်ရဲ့ ကဗျာလေးပါ။ ထူးထူးခြားခြား သူက သူ့ရဲ့ကဗျာများကို ဘယ်တော့မှ ခေါင်းစဉ်တပ်လေ့မရှိဘူး။ ခံစားချက်တွေကို ခေါင်းစဉ် တခုအောက်မှာ ဘောင်မခတ်ထားချင်ဘူးနဲ့ တူပါတယ်။
ကျနော့ရဲ့ ဘလော့ဂ် သယ်ရင်းများ ခံစားအားပေးကြပါဦးဗျာ ...
မင်းရှေ့မှာ ဒူးထောက်ဝံ့တယ်လို့
ငါမပြောပါရစေနဲ့
ငါဟာ မာနရှိတဲ့ လူသားတစ်ဦးမို့ပါ ...
မင်းကို အချစ်ဆုံးလို့
ငါ မပြောပါရစေနဲ့
ပုထုဇဉ် လူသားဖြစ်တဲ့ငါ
ကိုယ့်ကိုယ်ကို အချစ်ဆုံးမို့ပါ ...
မင်းမရှိရင် အသက်မရှင်နိုင်ဘူးလို့
ငါ မပြောပါရစေနဲ့
လောကကြီးအတွက်
ငါ ရပ်တည်ပေးရမှာမို့ပါ ...
ဒါပေမယ့် ချစ်သူ ...
ငါ ဦးထိပ်ထားတဲ့ ငါ့နှလုံးသားဟာ
မင်းလက်ထဲမှာ ကျဆုံးသွားခဲ့တာကိုလည်း
ငါ ... မပြောပါရစေနဲ့တော့ကွာ ...။
သောတအာရုံ
ဖေဖော်ဝါရီ ၂၇၊ ၂၀၀၆ ထုတ်
“ကကြိုးမဲ့ မယ်လိုဒီ” ကဗျာစာအုပ်ငယ်မှ ကူးယူဖော်ပြတယ်။
အတွေးဆိုတာ တိုက်ဆိုင်မှုရှိလို့ လက်ခံရတာလည်းရှိတယ်။ မတိုက်ဆိုင်လို့ အငြင်းပွားစရာ ဖြစ်လာစရာလည်း ရှိတယ်။ ကျနော်အခုတင်တဲ့ ပို့စ်လေးက ကျနော့ရဲ့ စိတ်ခံစားချက် တခုသာဖြစ်တဲ့အတွက်၊ မတိုက်ဆိုင်ခဲ့ရင်တောင်မှ ကျနော့ရဲ့မကြွယ်ဝသေးတဲ့ အတွေးအခေါ်ကြောင့်သာ ဖြစ်လိမ့်မယ်လို့ ဦးစွာ အထွန့်တက်ရင်း …
RSS Feed (xml)
