အမှတ်တရ နာကျင်မှု

ရည်းစားသက်တမ်း (၁)နှစ်ပြည့် အထိမ်းအမှတ်ပွဲလေး ကျင်းပမယ်ဆိုပြီး ချိန်းထားတဲ့နေရာကို မရောက်လာတဲ့အတွက် ရေးထားတဲ့ ကဗျာလေးတစ်ပုဒ်ပါ .... လွန်ခဲ့သော (၁၃)နှစ်ကပါပဲ ...။ နောက်တော့မှ သူ မရောက်လာနိုင်တာ နယ်ကို နာရေးကိစ္စ (သူ့အမေဆုံးလို့ .. အခု ကျနော့ ယောက္ခမပေါ့း) ) ပြန်သွားရတာဆိုတာ သိလိုက်ရတယ်။ အခုတလော ခေါင်းထဲက ကဗျာအသစ်မထွက်တာရယ် ... လက်ရာအဟောင်းလေးတွေကို သူငယ်ချင်းတွေကို ဝေမျှချင်တာနဲ့ပါ .... အော်ခဲ့ကြအုံးဗျာ နော့...

အမှတ်တရ နာကျင်မှု

ချစ်ခြင်းရဲ့ အထိမ်းအမှတ်

မွေးနေ့ပွဲလေးတစ်ခု

ပျော်ရွှင်စွာ ကျင်းပမယ်လို့ရည်စူး

ကြည်နှုးလျက်ပေါ့ …

ဒါပေမယ့် …

ကံတရားရဲ့ စေစားမှုကြောင့်

နှလုံးသားတစ်ခုမှာ

ပျော်ရွှင်ခြင်းတစ်ဖက်

လွမ်းဆွေးခြင်း တစ်ဝက်နဲ့

အခုတော့ …

ချစ်ခြင်းရဲ့ မွေးနေ့

တိတ်ဆိတ်စွာပြီးဆုံး

သြဘာသံ မဖုံးတော့ပေ …။

ကိုရုပ်ဆိုး

၁၂၊ သြဂုတ်လ၊ ၉၅ (၂၄း၁၅)မိနစ်

ဆက်ဖတ်မယ်ဆိုရင်...

ပြန်ပိတ်ပေးပါ...

ဝီရအပြုံး (သို့) ခွန်အား

အင်း ... ဒီ ကဗျာလေးတွေကို တင်မယ်, တင်မယ်နဲ့ တော်တော်အချိန်ယူ စဉ်းစားခဲ့ရတယ်။ ခွင့်တောင်းနေတာလည်း ပါတာပေါ့။ လွန်ခဲ့တဲ့ (၁၃)နှစ် ... ဟုတ်တယ် ... အဲဒီလောက်တောင် ကြာခဲ့ပြီ။ ကျနော့ အမျိုးသမီးနဲ့ ရည်းစားဖြစ်နေတုန်း ကာလကလေးကပေါ့ ဒီကဗျာလေးကို ရေးပေးခဲ့တာ (ကျန်သေးတယ်ဗျး) အသက်ကြီးမှ ငယ်မှုပြန်တယ် အပြောခံရမှာလည်း စိုးသေး (ရွာသားလေး ... ကျနော် အသက် အရမ်းကြီးနေပြီလား .. ဗျာ .. ငယ်သေးတယ် ... ဟုတ်လား ... ကျေးဇူးဗျာ၊ အခုလို မြန်မြန်ဆန်ဆန်ပြန်ဖြေပေးတဲ့အတွက်း) OK ဗျာ ဖတ်ကြည့်ပြီး အော်ခဲ့ကြဗျာ ... အခြေအနေကြည့်ပြီးမှ နောက် ကဗျာတွေ ထပ်တင်မယ်။

ဝီရအပြုံး (သို့) ခွန်အား

ချစ်သူ …
မငိုနဲ့တော့ကွာ
မင်းရဲ့ မျက်ရည်တစ်စက်ဟာ
ငါ့ရဲ့ဘ၀တစ်သက်လိုပါပဲ
မင်းရဲ့ ရှိုက်သံတစ်ချက်ဟာ
ငါ့ရဲ့ ကမ္ဘာပျက်သံလို့ ထင်မိတယ် …။

ချစ်သူရေ …
အားတင်းပြီး ပြုံးစမ်းကွာ
မင်းရဲ့ အပြုံးတိုင်းဟာ
ငါ့ရဲ့ ခွန်အားလှိုင်းတွေပါပဲ
မင်းရဲ့ ရွှန်းလဲ့မျက်လုံးထဲမှာ
ငါ့ရဲ့ ပန်းတိုင်အဆုံးကို တွေ့နေပြီ …။

ချစ်သူရေ … ပြုံးထားစမ်းကွာ
ခရောင်းလမ်းတွေ ပျောက်တော့မှာပါ
ပန်းတိုင်အဆုံးကို ရောက်တော့မှာပါ

ကဲ … ချစ်သူ
မျက်ရည်သုတ်လိုက်
ပြုံးမှ ဖြစ်မယ် …။

ကိုရုပ်ဆိုး
၃၀၊ ဇူလိုင်လ၊ ၉၅ (၂၀း၄၅)မိနစ်

ဆက်ဖတ်မယ်ဆိုရင်...

ပြန်ပိတ်ပေးပါ...

တစ်နိုင်တစ်ပိုင် သာသနာပြုရအောင် (၀ါ) change your fortune

ဒီနေ့ အကိုတစ်ယောက်ဆီက အီးမေးလ် ပို့လိုက်တယ်။ အကြောင်းအရာက စိတ်ဝင်စားဖို့ကောင်းသလို ဗုဒ္ဓဘာသာဝင်တိုင်း၊ အချိန်မရဘူးလို့ ပြောတဲ့လူတိုင်း လုပ်သင့်တဲ့ ကိစ္စလေးပါ။

“တစ်နိုင်တစ်ပိုင် သာသနာပြုရအောင်”တဲ့။ ရဝေနွယ် (အင်းမ) ရေးထားတာလေးကို၊ ဒေါက်တာခိုင်မျိုး ရိုက်နှိပ် ပူဇော်ထားတာပါ။ အရမ်းကောင်းပါတယ်။ လုပ်လည်း လုပ်သင့်တဲ့ကိစ္စလေးပါ။

ကျနော့ ညီအကို၊ အမ၊ နှမ ဘလော့ဂ်ဂါအားလုံးအတွက် ဝေမျှလိုက်ပါတယ်။ PDF ဖိုင် လေးပါ။ အောက်က လင့်ခ်လေးမှာ ကူးယူ ဖတ်ကြည့်ကြပါ။ စာတွေမပေါ်ရင်လည်း ဆီပုံးမှာ လာအော်ပေးပါ။ ကျနော် ဇော်ဂျီဖွန့် နဲ့ ပြန်ရိုက်ပြီး ထပ်တင်ပေးပါ့မယ်။

To Download: (တစ်နိုင်တစ်ပိုင် သာသနာပြုရအောင်)

ကိုရုပ်ဆိုး

၀၃၊ သြဂုတ်လ၊ ၀၈ (၁၂း၀၄)မိနစ်

ဆက်ဖတ်မယ်ဆိုရင်...

ပြန်ပိတ်ပေးပါ...

Coffee Dream

ဒီနေ့ သူငယ်ချင်းတစ်ယောက်ဆီက email လေးရတယ်။ အဲဒီမှာ သူအကြိုက်ဆုံး စာသားဆိုပြီး ပါလာတယ်။ ကျနော်လည်း ဖတ်ကြည့်မိပြီး သူငယ်ချင်းတွေကို ဝေမျှချင်တာနဲ့ ကျနော့ ဘလော့ဂ်လေးပေါ်တင်ပေးလိုက်တယ်။ ကျနော့်ရဲ့ အင်္ဂလိပ်စာက အကောင်းကြီး မဟုတ်တဲ့အတွက် မြန်မာလိုမပြန်တော့ပဲ မူရင်းအတိုင်း တင်ပေးလိုက်တယ်။

=================

Coffee dream : If life is coffee, then the jobs, money and position in society are the cups. They are just tools to hold and contain life, but the quality of life doesn't change.

Sometimes by concentrating only to the cup, we fail to enjoy the coffee in it.

=================

ဝါသနာက တားမရတဲ့အတွက် ကဗျာလေးတပုဒ်ကိုတော့ ဖျစ်ညှစ်ပြီး ရေးသားတင်ဆက်လိုက်တယ်။ တခြားစီဖြစ်နေရင်လည်း ခွင့်လွှတ်ဗျာ ....

ကော်ဖီအိပ်မက် ..

ဘ၀ဟာ ကော်ဖီ ဆိုပါစို့...။

အလုပ်တွေ၊ ငွေတွေ၊ ရာထူးတွေ
ဂုဏ်ပကာသနတွေဟာ
ခွက်တွေ ဆိုပါစို့ ...။

သူတို့ဟာ ...
ဘ၀ အတွက်

တကယ်ဆို ..
ဘ၀ရဲ့ အရည်အသွေး
တည်တံ့စေဖို့အတွက်တော့
အထောက်အပံ့ (ပစ္စည်း)တစ်ခုသာ ..။

ဒါပေမယ့် ...
ခွက်ကိုသာ အာရုံနှစ်ခဲ့ရင်တော့
ခွက်ထဲက ချိုမြိန်တဲ့ ဘ၀
မင်းဘယ်လို ... သောက်သုံးနိုင်မလဲ...။

စဉ်းစားပေါ့ကွာ
အတုအယောင်ပေါ်မှာ အာရုံထား
မင်း လမ်းသလားခဲ့ရင်တော့
ချိုမြိန်တဲ့ ဘ၀ ဆိုတာ
လက်ရဲ ဇက်ရဲ
ဇတ်ကနဲ ယူသောက်တဲ့
လူတစ်ယောက်အတွက် ဖြစ်သွားမယ် ....။

ကိုရုပ်ဆိုး

၀၃၊ သြဂုတ်လ၊ ၀၈ (၁၃း၂၅)မိနစ်

ဆက်ဖတ်မယ်ဆိုရင်...

ပြန်ပိတ်ပေးပါ...

မောင်မျိုးကောင်းမှု အကြောင်းပြုလို့ ...

အင်း မောင်မျိုးလေးကောင်းမှု အကြောင်းပြုပြီးတော့ အသက်ကြီးကာမှ ကိုယ့်အထုတ် ကိုယ်ဖြည်ပြရတာ ရှက်စရာတော့အကောင်းသား၊ အို ... ဘာပဲဖြစ်ဖြစ်လေ ... ပေါက်တဲ့နဖူး မထူးတော့ပါဘူးဆိုပြီး ကိုရုပ်ဆိုးရဲ့ အထ္ထုပတ္တိအား သူငယ်ချင်းများ ဖတ်ရှုကြပါကုန်လော့ ...

ကိုယ့်နာမည်------------- ရုပ်ဆိုး

ကိုယ့်ကို သူငယ်ချင်းတွေကဒီလိုခေါ်တယ် -------------- လာအုံး ... အရိုးဆုပ် … အရုပ်ဆိုး

ဒီမှာနေတယ်------------- ဗိုလ်ချုပ်ပြောတဲ့ ဟိုနိုင်ငံ

အလုပ်အကိုင် ------- ကွန်ပျူတာတစ်စုံနှင့် ဘလော့ဂ်ဂင်းသောအလုပ်

ကိုယ့်ဆီဖုန်းဆက်ချင်ရင် ---------- မဖုန်းပဲ ဆက်ရင် ပိုမြင်ရတာပေါ့ဟ

(ကိုယ့်ရဲ့အကြိုက်ဆုံးတွေက)

အရောင်ဆိုရင် ---------- အပြာ၊ အနက်

အ၀တ်အစားဆိုရင် ---------- အရှက်လုံစေတဲ့ ဟာ မှန်သမျှ

အစားအစာဆိုရင် ---------- ဗိုက်ဝတာမှန်သမျှ

ပစ္စည်းဆိုရင် ---------- ဟိုပစ္စည်းကို ကြိုက်တယ် :D

သီချင်းဆိုရင် ---------- မာမာအေးနှင့် Van Helen (သို့) တွံတေးသိန်းတန်နှင့် Jenifer Lopez စုံတွဲသီချင်းများ

စာရေးဆရာ ---------- အင်း … ဘလော့ဂ်ဂါတွေ အားလုံးရဲ့ စာပေများ

စာအုပ် ----------- အင်း .. ခေါင်းအုံးပြီး အိပ်လို့ရတဲ့ စာအုပ်ဆိုဒ်ဆို ပိုသဘောကျတယ်။

Life style ---------- ဖြစ်ကတတ်ဆန်းနေတတ်တဲ့စတိုင်၊ ဗြဲလရမ်းစတိုင်

ကိုယ့်ရဲ့ဝါသနာ ---------- အင်း … မေ့တောင်နေပြီ၊ အိမ်ပြန်ပြီး မိန်းမကို ပြန်မေးကြည့်ဦးမယ်။

အလိုချင်ဆုံးလက်ဆောင် ---------- လက်ထိပ်နှင့် ကားပြာကြီးမဟုတ်တာတော့ သေချာတယ်။

ကိုယ့်ရဲ့ အချစ်ဆုံးသူက ---------- မင်းပေါ့ကွယ် …

ကိုယ့်ရဲ့ အလေးစားဆုံးသူက ---------- ဟ … အလေးတော့ မစားပါရစေနဲ့၊ သွားမကောင်းလို့ပါ …။

ကိုယ့်ရဲ့ အချစ်ဆုံးသူငယ်ချင်းက ---------- သူငယ်ချင်းမှန်သမျှ ကိုယ့်ရဲ့ အချစ်ဆုံးပဲ။ မခွဲခြားပါဘူးကွယ်။

ကိုယ့်ကို အများဆုံးနားလည်မှုပေးနိုင်သူက ---------- ကျနော့ မိန်းမ ပေါ့ဗျ၊ မေးစရာလိုသေးလို့လား။

ကိုယ့်ရဲ့ အမုန်းဆုံးသူက ---------- အမုန်းကို ပေါင်ထားတာ ပြန်မရွေးနိုင်လို့ ဆုံးသွားပြီ …. :)

ရင်အခုန်ဆုံးအချိန် ---------- ခုန်ဆွ၊ ခုန်ဆွ လုပ်နေတဲ့အချိန်ပေါ့ဗျာ …။

အကြောက်ဆုံးအချိန် ---------- အရက်မူးပြီး အိမ်ပြန်လို့၊ တံခါးဝမှာ မိန်းမကို တွေ့တဲ့အချိန် (ဂယ်ပြောတာ)

အပျော်ဆုံးအချိန် ---------- လခ ထုတ်လို့ ကြိုတင်ထုတ်ထားတာတွေကို မဖြတ်တဲ့အချိန်

အမှတ်တရနေ့ ---------- ၁၄ ဖေဖော်ဝါရီ ၁၉၉၉ (ကျနော် မင်္ဂလာဆောင်တဲ့နေ့ပေါ့…) အဲဒီလိုမျိုး ထပ်ဆောင်ချင်လိုက်တာ….း-)

ဆုတောင်းတိုင်းသာပြည့်မယ်ဆိုရင်တောင်းမဲ့ဆု ---------- ဟိုမှာ ပုထိုး ပြည့်လိမ့်နိုးနဲ့၊ ဆုမျိုးတစ်ရာ တောင်းခဲ့ပါသည်။ ဒီမှာ ပုထိုး ပြည့်လိမ့်နိုးနဲ့ ဆုမျိုးတစ်ရာ တောင်းခဲ့ပါသည်။ ဆုတောင်းတိုင်းတာ ပြည့်မယ်ဆိုရင် ဘယ်မှာ မျက်ရည် ရှိအံ့နည်း … တဲ့။ ကဲ တောင်းတော့ဝူး။

အချစ်ဆိုတာ ---------- ဘုရားကပေးတဲ့ ဆုလဒ်လား၊ ငါ့ရဲ့ ဘ၀နဲ့ မထိုက်တန် (အငဲ သီချင်းလေ…)

အမုန်းဆိုတာ ---------- မမုန်းဘူးတော့၊ မသိဘူးဗျ…။

အလွမ်းဆိုတာ ---------- အားတာနဲ့ ခေါင်းထဲကို ရောက်လာတဲ့ ဟာတစ်ခု

သံယောဇဉ်ဆိုတာ---------- ဟ … ဘာလက်နက်နဲ့ ဖြတ်ရမှန်းမသိတဲ့ ဟာ တစ်ခုဗျ။

ဘ၀ဆိုတာ ---------- တိုက်ပွဲ ….၊ ခယ်မ ဆိုတာ လိုက်ပွဲတဲ့ (ဘယ်က စာဆို စပ်သွားမှန်းမသိပါဘူးဗျာ…တကယ်)

သူငယ်ချင်းဆိုတာ ---------- မကောင်းဘူး၊ အသံသေး အသံကြောင်နဲ့။ အဲဒါကြောင့် သူနဲ့ သီချင်း လိုက်မဆိုတော့ဘူးလို့ ဆုံးဖြတ်ထားတယ်။

ချစ်သူဆိုတာ ---------- ဟာဗျာ … ကိုယ့်ရဲ့ အချိန်တွေကို ဖြုန်းတီးပစ်တဲ့ လူပေါ့။

ကိုယ့်ကိုယ်ကိုဒီလိုထင်တယ် ---------- ဟိုလို ထင်ရင် ပိုကောင်းမယ်ဗျ။

ကိုယ့်ရဲ့လက်ဆွဲဆောင်ပုဒ်က ---------- ၀ ၀ စား၊ ဝေး ဝေး နေ

အပြောချင်ဆုံးစကားတစ်ခွန်း ---------- တော်ပြီကွာ၊ ရိုက်ရတာ လက်ညောင်းတယ်။


အောက်ဖော်ပြပါ သူငယ်ချင်းများ ဆက်ပြီး ဒုက္ခခံလိုက်ကြပါဦးကွယ် …

၁။ ရွှေပြည်သူ
၂။ ရွာသားလေး ၀ိုင်တီယူ
၃။ မောင်ဆိုးသွမ်း
၎။ မေမိုး
၅။ မျှော်လင့်ခြင်း


ရေးကြပေအုံးတော့ဗျာ ….။ အလှည့်ကျ မနွဲ့စတမ်းပေါ့…။

ဆက်ဖတ်မယ်ဆိုရင်...

ပြန်ပိတ်ပေးပါ...